作為新手爸媽，可能會對BB的發展充滿疑問，例如：「BB幾時先會識翻身？」、「有咩方法可以幫助BB練習轉身？」。
其實翻身係BB成長中一個重要嘅里程碑，代表佢哋嘅肌肉發展、平衡感同探索能力都進步緊。今次Doremi3babies就同大家拆解6個關於BB翻身嘅小知識，同你陪住BB一齊成長！
BB幾個月會翻身？
2-4個月：開始探索身體
BB大約2個月開始，已經會嘗試郁動身體，例如轉頭、抬起手腳，甚至偶然側翻。
不過，呢個時期嘅翻身通常唔係「有意識」去做，而係因為肌肉開始發展，動作未夠協調。
4-6個月：學識自主翻身
一般嚟講，寶寶在4-5個月，就會開始嘗試由仰臥翻到側身，甚至可以成功翻到趴著。
6個月左右，部分BB已經可以由趴住再翻返去仰臥，形成完整嘅翻身動作。
7個月以上：翻身變得流暢
當BB發展得更好，肌肉更加有力，加上協調性提升，佢哋可以更加順暢地來回翻身，甚至用翻身作為探索世界嘅方法。
新手爸媽必須知道的嬰兒發展階段
BB由初生到學識翻身，係一個連貫發展嘅過程。要知道BB幾時會翻身，首先要了解寶寶的發展階段，了解他們的肌肉發展變化：
- 0-2個月：頸部開始有力，趴住時能稍微抬頭，這也是嬰兒抬頭的階段。
- 3-4個月：可以控制自己嘅頭部，會用手推撐身體，甚至偶然轉身。
- 5-6個月：學識由仰臥翻側，再到趴住，翻身動作逐步完善。
- 6個月以上：翻身變得熟練，並開始準備學爬行。
如果BB超過6-7個月仍然完全無翻身動作怎麼辦？建議向兒科醫生查詢，睇下有冇需要進一步檢查或訓練。
BB翻身之前會有什麼徵兆？
好多爸媽會問：「點樣知道BB準備翻身？」其實，BB翻身前會有啲明顯嘅動作變化，爸媽可以留意：
喜歡側躺
BB會由仰臥姿勢轉做側躺，呢個係翻身前常見嘅準備動作，表示 寶寶可能 開始探索身體控制能力。
抬頭動作越來越穩定
當BB趴住時，可以穩定地抬起頭並保持一段時間，代表頸部同背部肌肉夠力，有助於翻身。
開始踢腿、轉動身體
BB會踢腳、拗腰，甚至試圖用身體郁動自己，呢啲都係翻身前兆。
寶寶翻身有什麼好處呢?
翻身唔止係一個新技能，仲有助於BB整體發展，包括：
加強肌肉、感官發展
翻身時BB需要動用頸部、背部、腹部同手腳嘅肌肉，有助於提升整體肌力，為日後學爬行打好基礎。同時寶寶可以看到的視線方位更廣，可以刺激感官及眼球控制的能力。
改善平衡感與協調性
BB要成功翻身，需要身體各部分協調運作，呢個過程能夠訓練佢哋嘅平衡感同動作控制能力。
增強探索能力
翻身讓BB更容易觀察四周環境，提高對世界嘅興趣，亦有助於提升認知發展。
爸媽可以怎樣幫助BB練習翻身？
如果BB未主動翻身，爸媽可以用以下方法幫助佢哋學習：
增加趴臥時間（ Tummy Time ）
每日俾BB有時間趴住玩，提供趴姿的時間，有助於鍛鍊頸部、肩膀同背部肌肉，為翻身做好準備。
透過玩具吸引BB翻身
可以將BB最鍾意嘅玩具放在側邊，吸引佢轉頭望，繼而郁動身體嘗試翻身。
輕輕協助BB翻身
當BB準備翻身時，爸媽可以用手輕輕推動佢嘅臀部，幫助佢順利完成動作。
俾BB一個安全、舒適嘅練習環境
建議喺地板上鋪一張防滑、軟墊的嬰兒地墊，確保BB練習時唔會撞親，亦避免BB翻身後卡住而受傷。
這個時候好多家長都可能會考慮幫BB購買BB圍欄和地墊，幫佢哋打造一個安全、舒適的環境，練習翻身。
不過市面上有咁多個圍欄地墊，又應該點揀？香港媽咪最愛嘅韓國品牌Caraz地墊選擇嘅時候又有咩技巧？
延伸閱讀：Caraz地墊購買指南：幫BB打造最安全舒適的遊戲場地
嬰兒翻身注意事項
BB開始翻身後，爸媽要留意以下幾點，以確保BB安全：
唔好將BB獨留喺高處
BB學識翻身後，隨時會自己郁動，唔小心就可能由床、梳化或者換片枱跌落嚟，所以千祈唔好獨留BB喺高處。
除此之外，如果寶寶在床上練習翻身，亦需要注意床上的被、枕頭擺放位置，以免BB翻身有 仰躺時 姿勢變成 俯臥 時造成窒息的可能。
避免過於柔軟的墊子
如果BB喺太軟嘅表面（如厚被鋪、沙發）翻身，有機會影響動作發展，甚至增加窒息風險。建議使用適當厚度嘅嬰兒地墊，確保安全。
著鬆身啲嘅衫
太緊身或太厚重嘅衣物會限制BB活動，影響佢哋翻身，所以建議選擇寬鬆、透氣嘅衣物。
時刻觀察BB狀況
每個BB發展速度唔同，如果BB到6-7個月仍然無明顯翻身動作，或翻身後經常發生意外跌倒，建議諮詢醫生意見。
BB翻身係成長重要一步，爸媽要俾多啲耐性！
BB翻身係一個大突破，唔單止係肌肉發展，更係佢哋探索世界嘅第一步！作為爸媽，最重要係俾BB足夠時間、空間去練習，唔需要太心急。
嬰兒地墊係幫助BB學翻身嘅好幫手，能夠提供一個安全、舒適嘅環境，減低受傷風險，讓BB更自在探索新技能。如果你想為BB選購合適嘅嬰兒地墊，記得要揀防滑、防水、好清潔嘅款式，確保BB可以安心練習翻身！
延伸閱讀：BB圍欄怎麼選？2025最新嬰兒圍欄推薦
